Türkiyənin Burdur vilayətindəki meşə yanğını nəzarət altına alınıb - YENİLƏNİB

Türkiyənin Burdur vilayətinin Bucak rayonunda baş verən meşə yanğını nəzarət altına alınıb.

"Report" yerli KİV-ə istinadən xəbər verir ki, yanğının söndürülməsinə 3 helikopter, 5 təyyarə, 15 suçiləyici, 2 yanğınsöndürən maşın və 3 su tankeri cəlb edilib.

Təxminən 13 hektar ərazinin yandığı bildirilir.

20:00

Türkiyənin Burdur vilayətinin Bucak rayonunda meşə yanğını başlayıb.

"Report" bu barədə yerli KİV-ə istinadən xəbər verir.

Yanğının səbəbi hələlik bəlli deyil. Əraziyə İsparta Meşə İdarəsinin əməkdaşları cəlb edilib.

Həmçinin, yanğının söndürülməsi üçün bölgəyə 2 helikopter, 5 təyyarə və çoxlu sayda canlı qüvvə göndərilib.