Türkiyənin 27 əyalətində FETÖ-yə qarşı “KISKAÇ-22” əməliyyatı: 74 şübhəli tutulub

Türkiyənin 27 əyalətində FETÖ-yə qarşı “KISKAÇ-22” adlı əməliyyat keçirilib.

“Report” xəbər verir ki, bu barədə Türkiyənin daxili işlər naziri Əli Yerlikaya sosial şəbəkə səhifəsində bildirib.

Qeyd edilib ki, əməliyyat nəticəsində 74 şübhəli tutulub.

Məlumata əsasən, onlardan böyük məbləğdə xarici valyuta, türk lirəsi, qızıl məmulatları, çoxlu sayda rəqəmsal material ələ keçirilib.