Türkiyədə dağıntılar altında qalan dörd tələbədən birinin meyiti tapılıb

Türkiyədə dağıntılar altında qalan dörd tələbədən birinin meyiti tapılıb.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

Belə ki, Malatya şəhərində aparılan axtarış tədbirləri nəticəsində 2001-ci il təvəllüdlü Azərbaycan Respublikasının vətəndaşı Vəliyev Şahin Nail oğlunun vəfat etdiyi məlum olub.

Qeyd edək ki, Türkiyədəki zəlzələdən sonra 9 gün ərzində Malatyadakı İnönü Universitetinin azərbaycanlı tələbələri Samir Quliyev, Şahin Vəliyev, Hümam İsmayıllı və Gündüz Nəzərzadədən xəbər almaq mümkün deyildi.

Ümumilikdə Türkiyədəki zəlzələdə həlak olan Azərbaycan vətəndaşlarının sayı altı nəfərə çatıb.