Türkiyədə yaşayış binasında yanğın olub, ölənlər və zərərçəkənlər var

Türkiyənin Bursa şəhərində yaşayış binasında yanğın olub.

Bu barədə “Report” “Haber Global”a istinadən xəbər verir.

Məlumata görə, hadisə yerli vaxtla saat 23:30 radələrində Yıldırım rayonunda əcnəbilərin məskunlaşdığı binada qeydə alınıb. Yanğın zamanı 8-i (3-10 yaş arası) uşaq, 1-i isə qadın olmaqla 9 nəfər ölüb. Onların Suriya vətəndaşları olduqları bildirilir.

Hadisə zamanı daha 3 nəfər tüstüdən zəhərlənib. Zərərçəkənlər xəstəxanaya çatdırılıblar.

İlkin məlumata görə, hadisəyə qaz sobası ilə rəftar zamanı təhlükəsizlik qaydalarına riayət edilməməsi səbəb olub.