Türkiyədə TUSAŞ-a terror hücumu zamanı öldürülənlər PKK üzvləri olub

Türkiyənin Aviasiya və Kosmik Sənaye Şirkətinə (TUSAŞ) hücum zamanı öldürülən hər iki terrorçu PKK üzvü olub.

“Report” xəbər verir ki, bu barədə məlumatı “TRT Haber” yayıb.

Bildirilib ki, hücum zamanı öldürülənlərdən biri Ali Örekin (kod adı “Rojger”), digəri isə Mine Sevjin Alçiçekdir.

Onlar əməliyyat nəticəsində zərərsizləşdirilib.

Oktyabrın 23-də Ankarada TUSAŞ-ın zavodunda törədilən terror nəticəsində 5 nəfər ölüb, 22 nəfər yaralanıb.