Türkiyədə saxta spirtli içkidən ölənlərin sayı 61 nəfərə çatıb

Türkiyədə dekabrın 10-dan indiyədək saxta spirtli içkidən zəhərlənərək ölənlərin sayı 61 nəfərə çatıb.

“Report” “HaberTurk”ə istinadən xəbər verir ki, dekabrın 21-də Ordu şəhərində daha 2 nəfər saxta spirtli içkinin qurbanı olub.

Məlumata görə, ölüm halları ölkənin 17 şəhərində qeydə alınıb. Təkcə İstanbulda son 10 gündə 30 nəfər saxta içkidən dünyasını dəyişib.

Saxta spirtli içki istehsalı və satışında şübhəli bilinən 5 nəfər tutulub.