Türkiyədə limanda güclü partlayış olub, 12 nəfər yaralanıb - YENİLƏNİB

Türkiyədə Mərmərə dənizindəki Derincə ticarət limanında baş verən partlayış nəticəsində 16 liftdən 13-ü zədələnib, qəza nəticəsində ən azı 12 nəfər yaralanıb.

"Report" Türkiyə KİV-inə istinadən xəbər verir ki, bunu Kocaeli şəhərinin bələdiyyə sədri Tahir Büyükakın deyib.

"Partlayış nəticəsində 12 nəfər yaralanıb, ikisinin vəziyyəti ağırdır. Həmçinin, 16 liftdən 13-ü zədələnib", - o deyib.

16:56

Türkiyənin qərbində, İstanbuldan 95 kilometr şərqdə yerləşən Kocaeli şəhərində güclü partlayış baş verib, azı 10 nəfər yaralanıb.

"Report" xəbər verir ki, bu barədə “TRT” məlumat yayıb.

Bildirilib ki, partlayış Mərmərə dənizindəki Derince limanındakı taxıl anbarlarından birində baş verib.