Türkiyədə daha bir ağır yol qəzası: 2 nəfər ölüb, 11 nəfər yaralanıb

Türkiyənin Ağrı şəhərində yol-nəqliyyat qəzası baş verib, 2 nəfər ölüb, 11 nəfər yaralanıb.

“Report” Türkiyə mətbuatına istinadən xəbər verir ki, yük maşını ilə sərnişin avtobusu toqquşub.

Qəzadan sonra yanğın baş verib. Hadisə yerinə xilasedicilər və təcili tibbi yardım maşınları gəliblər.

Xatırladaq ki, bu gün Türkiyənin Sivas şəhərində də qəza baş verib. Həmin hadisə nəticəsində 3 nəfər ölüb, 27 nəfər yaralanıb.