Bakı. 20 fevral. REPORT.AZ/ Türkiyədə kənd təsərrüfatı işçilərini daşıyan avtobus aşıb.
“Report” “Hürriyet”ə istinadən xəbər verir ki, hadisə Mersin əyalətinin Silifke rayonunda baş verib.
Nəticədə 4 nəfər ölüb, 26 nəfər yaralanıb. Hadisə yerinə çox sayda təcili tibbi yardım briqadaları və xilasedicilər cəlb olunublar. Qəzanın səbəbi hələlik məlum deyil.
Hadisə ilə bağlı araşdırma aparılır.