Türkiyədə avtobus aşıb, 19 nəfər yaralanıb

Türkiyənin Antalya şəhərində hotel işçilərini daşıyan avtobus aşıb.

“Report” “Haber Global”a istinadən xəbər verir ki, hadisə şəhərin Serik rayonunda qeydə alınıb.

Qəza nəticəsində 19 nəfər yaralanıb.

Hadisə yerinə polis işçiləri və təcili tibbi yardım əməkdaşları cəlb olunub.

Xəsarət alanlar xəstəxanaya yerləşdirilib.