Türkiyədə ağır yol qəzasında on bir nəfər xəsarət alıb

Türkiyənin Diyarbəkir şəhərində ağır yol qəzası olub.

Bu barədə “Report” “Haber Global”a istinadən xəbər verir.

Məlumata görə, pikapla mikroavtobusun toqquşması nəticəsində 11 nəfər yaralanıb. Yaralılardan 2-si uşaqdır.

Qeyd edilir ki, qəzadan sonra avtomobillərdə yanğın başlayıb. Əraziyə təcili yardım, xilasedicilər, yanğınsöndürənlər, polis cəlb edilib. Yanğın yanğınsöndürənlər tərəfindən söndürülüb.

Yaralılar yaxınlıqdakı xəstəxanalara aparılıb.

Hadisənin başvermə səbəbi araşdırılır.