Türkiyədə ağır yol qəzasında 30 nəfər yaralanıb

Türkiyədə baş verən zəncirvari yol qəzasında 30 nəfər xəsarət alıb.

“Report” Türkiyə mətbuatına istinadən xəbər verir ki, hadisə Afyonkarahisarın Emirdağ rayonunda baş verib.

Belə ki, Ankara istiqamətində hərəkət edən sərnişin avtobusu yük maşını və minik avtomobili ilə toqquşub.

Qəzada yaralanan 30 sərnişin Afyonkarahisardakı müxtəlif xəstəxanalara aparılıb. Faktla bağlı araşdırmalara başlanılıb.