Türkiyədə avtobus qəzasında ölənlərin sayı artıb - YENİLƏNİB

Türkiyədə avtobus qəzasında ölənlərin sayı artıb.

“Report” Türkiyə KİV-lərinə istinadla xəbər verir ki, Sivasdan İstanbula doğru hərəkət edən sərnişin avtobusunun qarşı yola çıxaraq dərəyə aşması nəticəsində 12 nəfər ölüb, 19-u yaralanıb.

Yaralılar Yozqat və Sorgundakı xəstəxanalara yerləşdirilib. Xəsarət alanlardan iksinin vəziyyəti ağır qiymətləndirilir.

Yozqat valisi Mehmet Əli Özkan qəzanın ehtiyatsızlıqdan baş vermiş olması fikrindədir.

Türkiyədə 11 nəfərin ölümü ilə nəticələnən ağır yol qəzası baş verib.

“Report” xarici mətbuata istinadən xəbər verir ki, Sivasdan İstanbula doğru hərəkət edən sərnişin avtobusu qarşı yol çıxaraq dərəyə aşıb.

Qəza nəticəsində 11 nəfər ölüb, 20 sərnişin yaralanıb. Yaralılar Yozgat və Sorgundakı xəstəxanalara yerləşdiriliblər.

Yozgat valisi Mehmet Əli Özkan bildirib ki, xəsarət alanlardan ikisinin vəziyyəti ağırdır:

“Yenə də ehtiyatsızlıqdan baş vermiş qəza olduğunu düşünürük. Bütün hallarda əsl səbəb araşdırmalardan sonra bəlli olacaq”.