Bakı 24° C
https://static.report.az/photo/93c91230-f4fa-4f4b-a3df-787618bfbd2f.jpg
Türkiyədə qar uçqununda ölənlərin sayı 38 nəfərə çatıb.
“Report” “Hürriyet”ə istinadən xəbər verir ki, bu barədə Fövqəladə Halların İdarə Olunması Agentliyi (AFAD) məlumat yayıb.
*** 17:51
Türkiyədə qar uçqununda ölənlərin sayı 31 nəfərə çatıb.
"Report" Türkiyə KİV-inə istinadən xəbər verir ki, bu barədə Fövqəladə Halların İdarə Olunması Agentliyi (AFAD) məlumat yayıb.
Bildirilib ki, fevralın 4-5-də baş verən təbii fəlakət nəticəsində 53 nəfər isə yaralanıb.
*** 16:31
Türkiyədə qar uçqununda ölənlərin sayı 23 nəfərə çatıb.
"Report" DHA-ya istinadən xəbər verir ki, bu barədə Van şəhər valisi Mehmet Emin Bilmez məlumat verib.
“İkinci qar uçqunu hadisəsində 8-i jandarma, 3-ü mühafizəçi, 1-i yanğınsöndürən olmaqla 12 nəfər həlak olub. Hazırda 9 vətəndaşımızın vəziyyəti ağırdır. Qar uçqunu altında neçə nəfərin qaldığına dair dəqiq məlumat yoxdur. Ümumilikdə qar uçqunu nəticəsində 23 nəfər həlak olub", - o qeyd edib.
*** 14:58
Türkiyədə qar uçqunu altında qalan daha 8 nəfər ölüb və ölənlərin sayı 13-ə çatıb.
“Report” “Hürriyet”ə istinadən xəbər verir ki, bunu ölkənin daxili işlər naziri Süleyman Soylu bildirib.
Hadisə Van-Bağçasaray yolunun 33 kilometrliyində baş verib. Qar sərnişinlə dolu olan mikroavtobusun üzərinə uçub. Xilasetmə işləri zamanı ikinci qar uçqunu olub.
“İndiyə qədər 3-ü mühafizəçi, 3-ü mütəxəssis çavuş, biri gizir, biri də mülki vətəndaşımız olmaqla 8 nəfər uçqunun altında qalaraq ölüb”, - nazir deyib.
Türkiyə prezidenti Rəcəb Tayyib Ərdoğanın baş müşaviri Gülşən Orxan hadisə yerinə gedib. İkinci uçqun nəticəsində baş müşavir də qarın altında qalıb. O, yaralı vəziyyətdə xilas edilib və xəstəxanaya yerləşdirilib. Bundan başqa, Fövqəladə Halların İdarə Olunması Agentliyinin (AFAD) Van şəhəri üzrə rəhbəri Osman Uçar da qar uçqunu altından çıxarılaraq xəstəxanaya yerləşdirilib.
S.Soylu deyib ki, uçqun altında 10-15 nəfərin qaldığı güman edilir: “İndiyədək 30 nəfər xilas edilib, axtarış-xilasetmə işləri davam edir”.
Hazırda Vanda hava küləksiz və qarsız olsa da, sabah qar yağacağı gözlənilir. 1 dərəcə civarında olan temperaturun mənfi 5 dərəcəyə düşəcəyi gözlənilir.
Qeyd edək ki, hadisə fevralın 4-ü axşam saatlarında qeydə alınıb. Həmin gün qar altından 5 nəfərin meyiti çıxarılmışdı. 6 nəfər isə sağ qurtarılmışdı.
*** 14:48
Türkiyənin şərqindəki Van vilayətində baş verən qar uçqunu nəticəsində 50-dən çox adam uçqun altında qalıb.
“Report” RİA “Novosti”yə istinadən xəbər verir ki, bu barədə vilayətin rəhbəri Mehmet Emin Bilmez məlumat verib.
Son məlumatlara görə, 300-dən artıq xilasedicinin qatıldığı işlər hazırda davam edir. Hazırda 25 nəfər qar altından çıxarılıb.
