Türkiyənin 5 şəhərində leysan yağışlarla bağlı əhaliyə xəbərdarlıq edilib

Türkiyənin Rize, Ordu, Giresun, Trabzon və Artvin şəhərlərində şiddətli yağışların yağması gözlənilir.

“Report” xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) xəbərdarlıq edib.

“Ani sel, su basması və ildırım vurması təhlükələrinə qarşı tədbirli olun”, - məlumatda bildirilib.

Qeyd edək ki, Qara dəniz sahillərində yerləşən Sinop, Bartın və Kastamonu şəhərlərində leysan yağışları səbəbindən əmələ gələn sel dağıntılara səbəb olub, 27 insan həyatını itirib.