Türkiyə vətəndaşlarını Livanı tərk etməyə çağırıb

Türkiyə Xarici İşlər Nazirliyi Yaxın Şərqdə baş verən son hadisələr və artan təhlükəsizlik böhranı ilə əlaqədar olaraq Livandakı Türkiyə vətəndaşlarını ən qısa zamanda bu ölkəni tərk etməyə çağırıb.

“Report” xəbər verir ki, bu barədə nazirliyin “X” sosial şəbəkəsindəki rəsmi hesabında dərc olunub.

“Vətəndaşlarımıza Livana səyahət etməkdən çəkinmələri, diqqətli olmaları və Nabatiyah, Cənubi Livan, Bekaa və Baalbek-Germel əyalətlərinə lazımsız yerə getməmələri tövsiyə olunur. Livanda qalması vacib olmayanlar üçün isə kommersiya uçuşları həyata keçirilərkən ölkəni tərk etməyə çağırırıq ”, - deyə məlumatda vurğulanıb.