Türkiyə Prezidenti: "İslamofobiya Qərb dairələrində vəba xəstəliyi kimi yayılır"

"İslamofobiya Qərb dairələrində vəba xəstəliyi kimi yayılır".

“Report” xəbər verir ki, bunu Türkiyə Prezidenti Rəcəb Tayyib Ərdoğan İslam Əməkdaşlıq Təşkilatının iqtisadiyyat və ticarət nazirlərinin 39-cu iclasında çıxışı zamanı deyib.

O bildirib ki, Qərb dünyasında belə meyillər getdikcə artır: “İslamofobiya bizim əsas problemlərimizdən biridir, Qərb dairələrində vəba xəstəliyi kimi yayılır. Amma hökumətlər heç nə etmir”.

Ərdoğan vurğulayıb ki, bu cəhdlərin məqsədi təhrikdir: "İnşallah, biz qurulan oyunlara getməyəcəyik".