Türkiyə ordusunun iki əsgəri şəhid olub, biri yaralanıb

Bakı. 18 fevral. REPORT.AZ/ Türkiyə silahlı qüvvələrinin iki əsgəri həyatını itirib, biri yaralanıb.

"Report" yerli mətbuata istinadən xəbər verir ki, bu barədə Baş Qərargah rəhbərliyinin açıqlamasında bildirilir.

Qeyd olunur ki, hərbçilərdən biri Suriyanın Afrin şəhərində aparılan "Zeytun budağı" anti-terror əməliyyatı zamanı şəhid olub. Separatçı terror təşkilatı mənsubları tərəfindən Şemdinlidə (Hakkari əyaləti) həyata keçirilən silahlı hücumda isə bir əsgərin şəhid olduğu, digərinin isə yaralandığı deyilir.

Eyni zamanda Afrindəki terror təşkilatı yaraqlılarının mövqelərindən atılan raket, Kocabeyli kəndi yaxınlığında bir evin bağına düşüb. Hadisə zamanı ölən və yaralanan olmayıb.