Türkiyə ordusu İraqın şimalında iki PKK terrorçusunu öldürüb

Türkiyə Silahlı Qüvvələri İraqın şimalındakı Metina bölgəsində yeni əməliyyat keçirib.

“Report” xəbər verir ki, bu barədə Türkiyənin Milli Müdafiə Nazirliyindən bildirilib.

Qeyd olunub ki, əməliyyat nəticəsində PKK terror qruplaşmasının iki üzvü öldürülüb.

Nazirlikdən verilən məlumatda bildirib ki, Türkiyə terrora qarşı mübarizə məqsədilə əməliyyatları müntəzəm davam etdirəcək.