Türkiyə koronavirusa qarşı ikinci vaksinin sınağını uğurla yekunlaşdırıb

Türkiyənin yerli vaksini olan “VLP”nin istehsalı üzrə daha bir mərhələ uğurla başa çatdırılıb.

“Report” “TRT Haber”ə istinadən xəbər verir ki, bunu ölkənin sənaye və texnologiya naziri Mustafa Varank açıqlayıb.

“Könüllüsü olduğum “VLP” vaksini üzrə önəmli bir mərhələni də tamamladıq. Aşının ikinci faza vaksinasiyası uğurla sona çatdı. Heç bir yan təsir olmadı”, - nazir bildirib

Qeyd edək ki, Türkiyədə koronavirusa qarşı 7 vaksin və 10 dərman hazırılığı üzrə araşdırmalar davam edir. “VLP” “TURKOVAC” vaksinin sonra ikinci fazaya qədər uğurla sınaqdan çıxan ikinci vaksindir.