Türkiyə hərbçiləri terrorçu PKK-nın Kərkük üzrə məsul şəxsi zərərsizləşdirib

Türkiyə Milli İstiharat (Kəşfiyyat) Təşkilatı və Silahlı Qüvvələrinin İraqın şimalında Kandildə keçirdikləri antiterror əməliyyatı nəticəsində terrorçu PKK qruplaşmasının Kərkük üzrə “məsulu” Mehmet Hatip Arıtürk zərərsizləşdirilib.

“Report” xəbər verir ki, məlumatı “TRT Haber” yayıb.

Bildirilib ki, terrorçu PKK Türkiyəyə qarşı istifadə etmək üçün başqa ölkələrdən raket və ağır hərbi texnikalar əldə edib. “Delil Siirt” kod adlı Mehmet Hatip Arıtürk 2016-c ildə terrorçuları Türkiyəyə qarşı istifadə etmək üçün raket və hərbi texnika ilə təmin edib.