Türkiyə hərbçiləri İraq və Suriyada altı terrorçu öldürüb

Türkiyə Silahlı Qüvvələri İraq və Suriyanın şimalında keçirilən antiterror əməliyyatı nəticəsində PKK terror qruplaşmasının altı silahlısını öldürüb.

“Report” xəbər verir ki, məlumatı Türkiyə Milli Müdafiə Nazirliyi yayıb.

Məlumata görə, İraqın şimalında Gara bölgəsində dörd, Suriyanın şimalında “Fırat Kalkanı” antiterror əməliyyat ərazisində isə iki PKK terrorçusu öldürülüb.