Türkiyə FATF-ın “boz siyahısı”ndan çıxarılıb

“Financial Action Task Force” (FATF) Türkiyəni təşkilatın “boz siyahısı”ndan çıxarıb.

“Report” bu barədə “TRT Haber”ə istinadən xəbər verir.

Bu barədə qərar FATF-ın Sinqapurda keçirilən Baş Assambleyasında qəbul edilib.

Xatırladaq ki, FATF 1989-cu ildə yaradılıb və çirkli pulların yuyulması və terrorizmin maliyyələşdirilməsi ilə mübarizə sahəsində qlobal standartları işləyib hazırlayan, həmçinin milli sistemlərin bu standartlara uyğunluğunu qiymətləndirən hökumətlərarası təşkilatdır.

Türkiyə təşkilata 1991-ci ildə qoşulub və 2021-ci ildə “boz siyahı”ya daxil edilib.