Türkiyə Aİ-nin “tutarsızlıq və ikili standartlarını” tənqid edib

Avropa İttifaqı Türkiyə ilə danışıqlar prosesində tutarsızlıq, ikili standartlar və qeyri-səmimilik nümayiş etdirir.

“Report” xəbər verir ki, bu barədə Türkiyə Xarici İşlər Nazirliyinin Avropa Komissiyasının Aİ-nin genişlənməsi haqqında məruzəsinə cavabında bildirilib.

“AK-nın hazırladığı hesabatda ölkəmizə qarşı ədalətsiz və qərəzli yanaşmalar bir çox təhlükələrlə üz-üzə olan qitəmizin gələcəyi baxımından narahatvericidir. Məruzədə yer alan əsassız ittihamları və haqsız tənqidləri tamamilə rədd edirik. Aİ bizə mövcud əngəlləri və ziddiyyətləri aradan qaldırmağa imkan verəcək danışıqlar prosesini siyasiləşdirmək və bloklamaqda davam edir”, – XİN-in bəyatında deyilib.