Tramp Putini prezident seçkilərində qələbə qazanması münasibəti ilə təbrik edib

Tramp Putini prezident seçkilərində qələbə qazanması münasibəti ilə təbrik edib Rusiya və ABŞ prezidentləri arasında telefon danışığı olub
Region
105
20 Mart , 2018 19:07
Tramp Putini prezident seçkilərində qələbə qazanması münasibəti ilə təbrik edib

Bakı. 20 mart. REPORT.AZ/ ABŞ prezidenti Donald Tramp rusiyalı həmkarı Vladimir Putin ilə telefon söhbəti edib.

“Report” RİA "Novosti"yə istinadən xəbər verir ki, bu barədə Ağ evdəki məmurlardan birinə istinadən NBC telekanalı məlumat yayıb.

Kremlin mətbuat xidmətinin məlumatına görə, telefon danışığı Amerika tərəfinin təşəbbüsü ilə baş tutub.

Bildirilir ki, Tramp Putini prezident seçkilərində qələbə qazanması münasibəti ilə təbrik edib.

"Liderlər müxtəlif sahələrdə, o cümlədən strateji stabilliyin təmin edilməsi və beynəlxalq terrorizmlə mübarizə məsələlərində praktik əməkdaşlığın inkişaf etdirilməsinə tərəfdar olduqlarını bildiriblər. Xüsusilə silah yarışını məhdudlaşdırmaq üçün koordinasiyalı səylərin əhəmiyyəti vurğulanıb", - deyə məlumatda bildirilir.

Məlumata görə, telefon danışığı zamanı həmçinin Suriya problemi və Ukraynadaxili böhran müzakirə olunub. Hər iki tərəf həll prosesində erkən irəliləyiş əldə etməyin lazım olduğunu qeyd edib.

Son xəbərlər

Orphus sistemi