Terrorçular Türkiyə-İran sərhədində hərbçilərə hücum ediblər

Türkiyə-İran sərhədində yerləşən İğdır əyalətinin Dilucu rayonunda hərbçilərə terror hücumu nəticəsində 1 hərbçi həlak olub, 1-yaralanıb.

“Report” “Haber7”yə istinadən xəbər verir ki, bu barədə təhlükəsizlik orqanlarından bildirilib. 

Mayın 10-da səhər saatlarında iki ölkə arasındakı sərhədin Dilucu bölgəsində hərbçilərə əldəqayırma partlayıcı ilə hücum olub.

Türkiyənin təhlükəsizlik qüvvələri bölgədə antiterror əməliyyatı keçirir.