Tbilisidə Xocalı soyqırımı ilə bağlı məlumatlandırma aksiyası keçirilib

Gürcüstanın paytaxtı Tbilisinin mərkəzində Xocalı soyqırımının 30-cu ildönümü ilə bağlı məlumatlandırma aksiyası keçirilib.

“Report”un yerli bürosu xəbər verir ki, “Lider Media” QHT-nin təşkil etdiyi aksiyada Rustaveli metrostansiyası, Gürcüstan parlamentinin binası və Azadlıq meydanı yaxınlığında faciə barədə gürcü və ingilis dillərində məlumatların yer aldığı 600-ə yaxın qeyd dəftəri, “Xocalıya ədalət” yazısının olduğu qoruyucu maska və qələmlər paylanılıb.

Təşkilatın rəhbəri Azər Məmmədov jurnalistlərə açıqlamasında deyib ki, aksiyanın məqsədi Gürcüstan ictimaiyyətini insanlığa qarşı törədilmiş amansız qətliam barədə məlumatlandırmaqdır.