Tbilisi meri sağlamlıq durumunu açıqlayıb

Xaricdə tibbi müayinə keçən Tbilisi meri Kaxa Kaladze özünü yaxşı hiss edir.

“Report”un yerli bürosu xəbər verir ki, o, bu barədə feysbuk səhifəsi vasitəsilə etdiyi canlı yayımda məlumat verib.

Mer əlavə tibbi yoxlamalardan keçdiyini deyib: “Şadam ki, bütün nəticələr yaxşıdır. Gələn bazar ertəsindən adi iş rejimimə dönəcəyəm və paytaxtın bütün vacib layihələri ilə birgə məşğul olacağıq”.

Xatırladaq ki, 43 yaşlı K.Kaladzeyə Tbilisidə işemik genezli koxlear-vestibulyar disfunksiya diaqnozu qoyulub. O, xəstəxanadan evə buraxılandan sonra aprelin 6-da tibbi müayinə üçün xaricə gedib.