Tacikistanda qar uçqunu nəticəsində ölənlərin sayı 15-ə çatıb

Tacikistanın şərqində baş verən qar uçqunu nəticəsində 15 nəfər ölüb, 12 nəfər xəsarət alıb.

"Report" “Sputnik Tacikistan”a istinadən xəbər verir ki, hadisə nəticəsində 4 yaşayış binası tamamilə, 35-i isə qismən dağılıb, daha 5 təsərrüfat obyektinə ziyan dəyib.

Hazırda dəymiş zərərin məbləği hesablanır. 

Məlumata görə, uçqun təhlükəsi fevralın 19-dək davam edəcək.