Suriyada Rusiyanın iki hərbçisi öldürülüb, biri yaralanıb

Bakı. 11 aprel. REPORT.AZ/ Suriyada silahlıların hücumu nəticəsində Rusiyanın iki hərbçisi öldürülüb, biri isə ağır yaralanıb.

“Report” Lenta-ya istinadən xəbər verir ki, məlumatı Rusiya Müdafiə Nazirliyinin mətbuat xidməti yayıb.

İnformasiyaya əsasən, Rusiya hərbçiləri minaatanlardan atəşə tutulublar. 

Nazirlikdən bildirilib ki, ölən və yaralanan hərbçilər Suriyada təlimatçı kimi fəaliyyət göstərirmişlər.