Bakı. 9 dekabr. REPORT.AZ/ Türkiyə Silahlı Qüvvələri Suriya ilə sərhəddə 3 hərbçisini itirib. "Report"un "Habertürk"ə istinadən verdiyi xəbərə görə, hadisə Türkiyənin Şanlıurfa rayonunun Ceylanpınar qəsəbəsində - qəsəbə mərkəzindən 15 kilometr aralı Gökçayır məhəlləsində baş verib.
Şanlıurfa valisi İzzəddin Küçük faktı təsdiqləyib. O bildirib ki, hərbçilərin həlak olmasının səbəbləri araşdırılır. Mənbə deyib ki, Suriyanın Telnazir kəndində "İŞİD"-lə kürd yaraqlıları arasında atışma gedir: "Odur ki, atəşin həmin istiqamətdən də gəldiyi güman edilir".
Türkiyə Silahlı Qüvvələri Baş Qəragahı isə hadisə ilə bağlı açıqlama yayıb. Açıqlamada bildirilib ki, bu terror hadisəsi deyil: "Bir əsgərin məsuliyyətsizliyi üzündən özü və 2 əsgər yoldaşı həlak olub".
![](https://static.report.az/photo/ab1c603f-5422-4dbc-9688-e1f232f91e93_300.jpg)