Starmer: Putin atəşkəsin yubadılmasının səbəbkarıdır

Böyük Britaniyanın Baş naziri Kir Starmer Rusiya Prezidenti Vladimir Putini Rusiya və Ukrayna arasında atəşkəsi “əngəlləməkdə” ittiham edib.

“Report” “The Guardian”a istinadən xəbər verir ki, bunu Starmer Putinin Türkiyədə sülh danışıqları üçün Ukrayna Prezidenti Volodimir Zelenski ilə görüşməkdən imtina etməsi ilə əsaslandırıb.

“Bu gün baş verənlər, Putinin vaxt uzatdığının daha bir sübutudur. Məhz Putin atəşkəsin gecikməsinin səbəbkarıdır. Ukrayna çoxdan, bir neçə ay əvvəl, 30 günlük şərtsiz atəşkəs istədiyini aydın şəkildə bəyan edib və biz çoxdan deyirik ki, məhz Putin bu sülhə gedən yolda dayanıb”, – Baş nazir bildirib.