Sözçü: "Ukrayna ordusu Baxmut, Toretsk və Berdyansk istiqamətlərində irəliləyir"

"Ukrayna müdafiəçiləri Baxmut, Toretsk və Berdyansk istiqamətlərində uğurla irəliləyir".

“Report”un Şərqi Avropa bürosu xəbər verir ki, bunu Ukrayna Silahlı Qüvvələri Baş Qərargahının sözçüsü Andrey Kovalev bildirib.

Onun sözlərinə görə, Zaporoje vilayətinin Lobkovo, Levadnoye, Novodarovka, Donetsk vilayətinin Neskuçnoye, Storojevoye, Makarovka, Blaqodatnoye kəndləri işğaldan azad edilib.

A.Kovalev deyib ki, Ukrayna qoşunları Baxmut istiqamətində sol cinahda 1,5 km, sağda isə 3,5 km irəliləyib: “Berxovsk su anbarı rayonunda isə ötən sutka Ukrayna hərbçiləri 250 metr irəliləyib”.

Sözçü vurğulayıb ki, ukraynalılar Berdyansk istiqamətində 500-1000 metr irəliləyərək 3 kv. km ərazini azad ediblər.