Sergey Şoyqu: "Nüvə silahı prezidentin qarşıya qoyduğu tapşırığın yerinə yetirilməsi üçündür"

"Rusiya Silahlı Qüvvələrinin bütün növ silahları, o cümlədən nüvə silahı prezidentin qarşıya qoyduğu tapşırığın yerinə yetirilməsi üçündür".

"Report" TASS-a istinadən xəbər verir ki, bunu Rusiyanın müdafiə naziri, ordu generalı Sergey Şoyqu deyib.

Onun sözlərinə görə, Rusiya Ukrayna ordusu ilə yox, kollektiv Qərblə mübarizə aparır.

Şoyqu bildirib ki, hərbi əməliyyatlar çərçivəsində çətin döyüşlər gedir: "Ukraynaya böyük miqdarda silah verilir, lakin Rusiya bu silahlarla mübarizə yollarını tapır. Qərb komandanlığı Kiyevdə oturur və Ukraynadakı hərbi əməliyyatlara rəhbərlik edir".