Son bir ildə İranda 697 nəfər edam edilib

“İran hakimiyyəti son bir ildə 697 nəfəri edam edib”.

“Report” “İran International”a istinadən xəbər verir ki, bu barədə İranın Hüquq Müdafiə Təşkilatının hesabatında bildirilib.

Məlumata görə, 2022-ci il sentyabrın 1-dən indiyə qədər 697 nəfər edam olunub: “Bu da əvvəlki illə müqayisədə 36 faiz çoxdur”.

Hesabatda qeyd edilib ki, 2022-ci ilin sentyabrından başlayan etiraz aksiyalarında iştirak etmiş 7 nəfər edam olunub, daha 10 etirazçı barəsində bu hökm çıxarılıb: “82 nəfər haqqında isə ölüm hökmünün çıxarılacağı gözlənilir”.