ABŞ Ukraynada özü üçün “ikinci Vyetnam” yaratmaq riski ilə üzləşir, hər yeni ABŞ administrasiyası Ağ Evə ağıllı bir adam başçılıq edənə qədər bununla məşğul olacaq.
“Report”un Rusiya bürosunun məlumatına görə, bu barədə Rusiyanın xarici kəşfiyyat xidmətinin direktoru Sergey Narışkin “Razvedçik” jurnalı üçün yazdığı məqaləsində bildirib.
Onun fikrincə, Kiyevə bundan sonrakı dəstək Qərbin beynəlxalq nüfuzunun aşağı düşməsini sürətləndirəcək: “Ukraynanın özü maddi və insan resurslarını sovuran “qara dəliyə” çevrilməyə davam edəcək”.