Sankt-Peterburqda keçiriləcək Dünya Energetika Konqresi təxirə salınıb

Rusiyanın Sankt-Peterburq şəhərində keçirilməsi nəzərdə tutulan Dünya Energetika Konqresi təxirə salınıb.

“Report” TASS-a istinadən xəbər verir ki, bu barədə Dünya Energetika Şurasından bildirilib.

“Biz Sankt-Peterburqda konqresin keçirilməsinin təxirə salındığını təsdiqləyirik. Bu il Dünya Eneregetika Konqresi keçirilməyəcək”, - təşkilatdan qeyd olunub.

Qeyd edək ki, təşkilatın 25-ci toplantısı bu il oktyabrın 25-27-də Sankt-Peterburq keçirilməli idi.

Xatırladaq ki, Ukrynadakı hərbi əməliyyatlara görə, Rusiyanın energetika şirkətləri sanksiyalara məruz qalıb. Bir sıra dövlətlər Rusiyanın təbii qazından imtina edib.