Samsunda ağır yol qəzasında 8 nəfər yaralanıb

Türkiyənin Samsun şəhərinin Havza rayonunda iki avtomobilin iştirakı ilə ağır yol-nəqliyyat hadisəsi baş verib.

“Report” “TRT Haber”ə istinadən xəbər verir ki, olay rayonun Vezirkörpü qovşağında qeydə alınıb.

Bildirilib ki, avtomobil qəzasında ümumilikdə səkkiz nəfər yaralanıb.

Hadisə yerinə polis, xilasedicilər və xeyli sayda ambulans cəlb olunub.

Faktla bağlı araşdırma aparılır.