Salome Zurabişvili: “Bölgənin inkişafı üçün sülh və sabitlik lazımdır”

“Bölgəmizin iqtisadi, tranzit, hətta mədəni potensialının tam şəkildə inkişafı üçün bizə sülh və sabitlik lazımdır”.

“Report”un yerli bürosu xəbər verir ki, bunu Gürcüstan Prezidenti Salome Zurabişvili Milli Məclisin sədri Sahibə Qafarova ilə keçirdiyi görüşlə bağlı tviter hesabında etdiyi paylaşımda yazıb.

“Bu çətin anlarda əminəm ki, qadın liderlərin güclü səsə sahib olmasının vaxtıdır”, - o qeyd edib.

Gürcüstanın Prezident Administrasiyasının görüşlə bağlı yaydığı məlumatda bildirilib ki, S.Zurabişvili S.Qafarovanı təhlükəsizlik və sülh məsələləri ilə bağlı Tbilisidə keçiriləcək qadın liderlərin konfransına dəvət edib. Milli Məclis sədri hazırlığını ifadə edib.