Saakaşvilinin Gürcüstana qayıtması ilə bağlı daha iki nəfər saxlanılıb

Gürcüstanın keçmiş Prezidenti Mixail Saakaşvilinin ölkəyə qayıtmasının gizlədilməsinə görə daha iki nəfər saxlanılıb.

“Report”un yerli bürosu xəbər verir ki, bunu prokuror Levan Vepxvadze jurnalistlərə deyib.

Onun sözlərinə görə, saxlanılan şəxslərin kimliyi yaxın zamanlarda açıqlanacaq.

Prokuror qeyd edib ki, sabiq dövlət başçısının Gürcüstana hansı marşrutla daxil olması istintaqa məlumdur və bununla bağlı araşdırmalar davam edir.

Qedy edək ki, bundan öncə M.Saakaşvilinin Tbilisidə saxlanıldığı mənzilin sahibi saxlanılmışdı.