Rusiyanın Xəzər donanması Həştərxanda təlim keçirib

Bakı. 26 oktyabr. REPORT.AZ/ Rusiya Silahlı Qüvvələrinin Xəzər donanmasının dəniz piyadaları Həştərxan vilayətindəki poliqonda birgə taktiki təlimlər keçirib.

"Report" RİA "Novosti"yə istinadən xəbər verir ki, təlimlər zamanı dəniz piyadaları havadan qurudakı hədəflərə atəş açılması üzərində çalışıb.

Quruya endikdən sonra dəniz piyadaları şərti düşmən istiqamətində 10 kilometrlik yürüş edib.

Təlimlərdə təxminən 200 dəniz piyadası və iki ədəd "Mi-8" helikopteri iştirak edib.