Rusiyanın RBK media qurumunun jurnalistinə 3,5 il iş kəsilib

Bakı. 10 avqust. REPORT.AZ/ Moskvanın Tver məhkəməsi Rusiyanın tanınmış media qurumu RBK-nın jurnalisti Aleksandr Sokolovu 3,5 il azadlıqdan məhrum edib.

“Report” TASS-a istinadən xəbər verir ki, o, ekstremist təşkilatların fəaliyyətini idarə etməkdə təqsirli bilinib.

Aleksandr Sokolov günahını etiraf edib.

Onunla yanaşı, “Duel” qəzetinin keçmiş redaktoru Yuri Muxin 4 il şərti, ictimai fəallar Sergey Barabaş və Valeri Parfenovun hər birinə 4 il iş kəsilib. 

Məhkəmənin qərarına əsasən, onlar fəaliyyətinə Rusiya ərazisində qadağa qoyulan “Ordu xalqın iradəsi”nin işlərində iştirak ediblər. Həmin şəxslər təşkilatın adını “Məsuliyyətli hakimiyyət uğrunda” ilə əvəzləyiblər. Adları çəkilənlər ittihamları rədd ediblər.