Rusiyadan Gürcüstana səfər edənlərin sayı 32 faiz çoxalıb

Bakı. 4 oktyabr. REPORT.AZ/ Bu ilin sentyabrında Gürcüstanı 157 min 318 rusiyalı ziyarət edib.

“Report” “Sputnik”ə istinadən xəbər verir ki, bu göstərici ilə Rusiya Gürcüstana səyahətçilər siyahısına başçılıq edir.

Bu, ötən ilin uyğun dövrü ilə müqayisədə 32 faiz çoxdur. İkinci yerdə 151 min ziyarətçi ilə Azərbaycan vətəndaşlarıdır. Ötən ilin hesabat dövrü ilə müqayisədə bu göstərici 15 faiz çoxdur.

Cari ilin əvvəlindən Rusiyanın 1,1 milyon vətəndaşı Gürcüstana səfər edib. Bu göstərici üzrə Rusiya üçüncüdür. Birinci yerdə 1,2 milyon ziyarətçi ilə Azərbaycan gəlir. Bundan sonra eyni göstərici ilə Ermənistandır.