Rusiyada zəhərlənmə diaqnozu ilə xəstəxanaya yerləşdirilənlərin sayı 83 nəfərə çatıb

Bakı. 18 yanvar. REPORT.AZ/ Rusiyanın Buryatiya Respublikasında, paytaxt Ulan-Ude şəhərindəki kafedə zəhərlənənlərin sayı 133 nəfərdir.

“Report” RİA “Novosti”yə istinadən xəbər verir ki, xəstəxanaya yerləşdirilənlərin sayı 83 nəfərə çatıb.

Qeyd edək ki, bundan əvvəlki məlumatda kafedə baş vermiş kütləvi zəhərlənmədə ümumilikdə 112 nəfərin zərər çəkdiyi bildirilirdi. Daha əvvəl isə xəstəxanada 81 nəfərin müalicə olunduğu xəbər verilirdi. Son məlumatlara görə, onlarda salmonelyoz xəstəliyi aşkarlanıb. Kafenin fəaliyyəti dayandırılıb.

Zərərçəkənlərdən 19-u uşaqlar, 5-i hamilə qadınlardır. Xəstəxanaya yerləşdirilən və salmonelyoz diaqnozu qoyulan 83 nəfərdən 50-i ambulator müalicədədir.