Rusiyada yoluxanların sayı 4 milyon 333 mini ötdü

Rusiyada son bir gündə daha 10 253 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 4 333 029 nəfərə çatıb. Ölkədə virusdan ölənlərin sayı isə daha 379 nəfər artaraq 89 473-ə yüksəlib.

Bundan başqa, Rusiyada indiyədək koronavirusa yoluxan 3 922 246 nəfər sağalıb.