Türkiyə Prezidenti: Trampın ölkəmizə səfər dəvətini qəbul edəcəyinə ümid edirik

Türkiyə Prezidenti Rəcəb Tayyib Ərdoğan ABŞ prezident seçkilərində qalib gələn Donald Trampın Ankaraya səfər edəcəyinə ümidvar olduğunu bildirib.

“Report” “Anadolu” agentliyinə istinadən xəbər verir ki, Ərdoğan bunu Avropa Siyasi Birliyinin sammitində iştirak etmək üçün səfər etdiyi Budapeştdən qayıdarkən jurnalistlərə açıqlamasında deyib.

"Tramp Türkiyə ilə bağlı müsbət bəyanatlar verib. Ümid edirəm ki, o, bizim Türkiyəyə səfər etməklə bağlı dəvətimizi qəbul edəcək", - o qeyd edib.