Rusiyada yol qəzası olub, 5 nəfər ölüb

Rusiyanın Krasnodar diyarının Novomışastov stansiyası rayonunda yol-nəqliyyat hadisəsi nəticəsində 5 nəfər ölüb.

“Report” “RİA Novosti”yə istinadən xəbər verir ki, məlumatı Krasnodar diyarının Prokurorluğu yayıb.

İlkin məlumata görə, hadisə “Toyota Corolla” markalı avtomobilinin Krasnodardar Slavyansk-na-Kuban istiqamətində hərəkət edən zaman baş verib. O, qarşı zolağa çıxdığı üçün “Hyundai Accent” və “VAZ-2112” markalı avtomobillərlə toqquşub.

Hadisə ilə bağlı araşdırma aparılır.