Rusiyada YDM-də baş verən partlayış nəticəsində xəsarət alanların sayı artır – YENİLƏNİB-2

Rusiyanın Novosibirsk şəhərində yanacaqdoldurma məntəqəsində baş verən yanğın və onun səbəb olduğu partlayış nəticəsində xəsarət alanların sayı 25 nəfərdən 30-a çatıb.

“Report” TASS-a istinadən xəbər verir ki, bu barədə FHN-dəki mənbə məlumat verib.

“Yanacaqdoldurma məntəqəsindəki yanğından sonra insanlar tibbi yardım üçün müraciət etməyə davam edirlər. Son məlumatlara görə, onların sayı 30 nəfərə çatıb. 5 nəfər ambulator yardım alır, qalanları xəstəxanaya yerləşdirilib”, - mənbə bildirib.

Onun sözlərinə görə, yaralıların əksəriyyəti yanıq xəsarətləri ilə xəstəxanaya çatdırılıb. “Onlardan yeddisinin vəziyyəti ağır, qalanlarınınkı orta ağır və ya yüngüldür”, - mənbə vurğulayıb.

Rusiyanın Novosibirsk şəhərində yanacaqdoldurma məntəqəsində baş verən yanğın və onun səbəb olduğu partlayış nəticəsində xəsarət alanların sayı 25 nəfərə çatıb.

“Report” TASS-a istinadən xəbər verir ki, bu barədə tibb işçiləri məlumat verib.

Daha əvvəl təcili tibbi yardım həkimi İrina Bolşakova 21 yaralı barədə məlumat vermişdi. Onun sözlərinə görə, yaralılar arasında 9 yaşlı uşaq da var.

FHN-dəki mənbə isə 17 nəfərin xəstəxanaya yatırıldığını bildirib.

Rusiyanın Novosibirsk şəhərində yanacaqdoldurma məntəqəsində baş verən partlayış nəticəsində 6 nəfər yaralanıb.

“Report” “RİA Novosti”yə istinadən xəbər verir ki, partlayış şəhərin Qusinobrod şossesində olub.

Bildirilib ki, yaralılardan 4-ü hospitalda yanğın bölməsinə yerləşdirilib.