Rusiyada XİN sözçüsü ilə müxalifət lideri arasında debat baş tutmayacaq - YENİLƏNİB

Rusiyada XİN sözçüsü ilə müxalifət lideri arasında debat baş tutmayacaq - YENİLƏNİB Rusiya Xarici İşlər Nazirliyinin sözçüsü Mariya Zaxarova müxalifət lideri Aleksey Navalnı ilə müxtəlif səbəblər göstərərək debatın keçirilməsindən yayınıb.
Region
756
1 May , 2020 15:46
Rusiyada XİN sözçüsü ilə müxalifət lideri arasında debat baş tutmayacaq - YENİLƏNİB

Rusiya Xarici İşlər Nazirliyinin sözçüsü Mariya Zaxarova müxalifət lideri Aleksey Navalnı ilə müxtəlif səbəblər göstərərək debatın keçirilməsindən yayınıb.

“Report” xəbər verir ki, bu barədə XİN sözçüsü öz “Facebook” səhifəsində yazıb.

Onun sözlərinə görə, qarşı tərəf müxtəlif tələblər qoymağa başlayıb.

“Ən axırıncı qorxaqsan, Navalnı. Hətta qadınla döyüşdən belə çəkinirsən”, - M.Zaxarova bildirib.

Bundan başqa, XİN sözçüsü “Exo Moskvı”ya müsahibəsində jurnalistin qarşı tərəfin bütün şərtlərə hazır olduğunu bildirməsinə cavab olaraq Navalnının sadəcə qorxaq və saxtakar olduğunu söyləyib.


*** 11:04

Rusiyanın Xarici İşlər Nazirliyinin sözçüsü Mariya Zaxarova müxalifət lideri, “Korrupsiyaya Qarşı Mübarizə Fondu” təşkilatının rəhbəri Aleksey Navalnını debata çağırıb.

“Report” xəbər verir ki, bunu M.Zaxarova öz “Facebook” səhifəsində yazıb.

“Yoldaş Navalnı, araşdırmağa oliqarxlarınız bitdi? Hə, Aleksey Anatolyeviç, danışığa hazırsanmı? Nitqlər və vəkillərin arxasında gizlənə biləcəyin məhkəmədə deyil, onlayn. Axı qorxacaq”, - M.Zaxarova yazıb.

Müxalifət liderinin isə cavabı gecikməyib. XİN sözçüsünün statusu yazmasından 29 dəqiqə sonra A.Navalnı dəvəti qəbul etdiyini açıqlayıb:

“Əziz Mariya Zaxarova, siz, deyəsən, məni “Vahid Rusiya”dakı rəhbərlərinizlə səhv salırsınız. Başda Putin olmaqla onlar illərdir ki, debatlardan qaçır və öncədən hazır olmayan suallara cavab vermək iqtidarında deyillər. Adi halda mən sizə əhəmiyyət verməzdim – siz sadəcə informasiya nökərisiniz. Siz həm ölkəmizi, həm də XİN-i biabır edirsiniz. Ona görə də istər sabah, istər bizim “Zoom” kanalımızda, istər sizin “Instagram”da, istər mənim “Instagram”ımda, istər aparıcı ilə, istərsə də onsuz – mənim üçün həqiqəti söyləmək asan və xoşdur”, - A.Navalnı “Facebook”da XİN sözçüsünün dəvətini qəbul edib.

Debat bu gün Bakı vaxtilə saat 18.00-da “Navalny Live” “Youtube” kanalında baş tutacaq.  

Son xəbərlər

Orphus sistemi