Rusiyada təhsil alan özbək tələbələr müharibəyə görə ölkələrində oxumaq istəyirlər

Rusiyanın Kursk Tibb Universitetinin tələbələri təhsillərini Özbəksitanda davam etdirməklə bağlı ölkə Prezidenti Şavkat Mirziyoyevə müraciət ediblər.

“Report” xəbər verir ki, məlumatı “Podrobno.uz” yayıb.

Onlar Rusiya ilə Ukrayna arasında münaqişənin şiddətlənəcəyindən ehtiyat etdiklərini vurğulayaraq Özbəkistana köçürülmələrini istəyiblər.

Tələbələr Kursk Tibb Universitetində yüzdən çox özbəkistanlının təhsil aldığını bildiriblər. Müraciət müəllifləri xatırladıblar ki, Kursk şəhəri Ukraynanın Sumı vilayətinə yaxın ərazidə yerləşir:

“Bu vilayətdə vəziyyət gərgindir”.

Onların sözlərinə görə, hər gün vilayətin ərazisinə mərmi düşür.